Skip­stjóri flutningaskipsins Longdawn hefur verið í dæmdur í 12 mánaða skilorðsbundið fangelsi. Stýrimaður skipsins hefur verið dæmdur í 8 mánaða skilorðsbundið fangelsi. Stýrðu þeir skipinu þegar það lenti í árekstri við strandveiðibátinn Höddu. 

Þetta er niðurstaða Héraðsdóms Reykjaness, en dómurinn var kveðinn upp fyrir skemmstu.

Skipstjórinn var þá einnig sviptur siglingaréttindum í þrjá mánuði.

Taldi sig sjá bátinn sökkva en héldu áfram

Mennirnir eru ákærðir fyrir hættubrot og brot gegn lífi og lík­ama og sigl­inga­lög­um en þeir játuðu báðir sök við þingfestingu málsins fyrir Héraðsdómi Reykjaness í gær. 

Stýri­maður skips­ins hafði tekið eft­ir árekstr­in­um og upp­lýst skip­stjór­ann um að hann teldi strand­veiðibát­inn vera að sökkva, en skip­stjór­inn sagði hon­um, und­ir áhrif­um, að halda áfram.

Frétt af mbl.is

Taldi sig hafa séð bátinn sökkva en hélt áfram

Farbann frá því í maí

Skipverjarnir tveir eru báðir rússneskir ríkisborgarar og hafa sætt farbanni frá því í maí vegna rannsóknar málsins.

Bát­ur­inn Hadda hvolfdi norðvest­ur af Garðskaga 16. maí en rann­sókn­ir á sigl­inga­gögn­um þóttu gefa til kynna að Longdawn hefði rek­ist á bát­inn og hvolft hon­um.

Frétt af mbl.is

Mannbjörg þegar strandveiðibátur sökk

Í ákæru máls­ins er skip­stjór­inn, Edu­ard Dek­tyarev, sakaður um að hafa gefið 2. stýri­manni skips­ins, Al­ex­and­er Vasilyev, fyr­ir­mæli um að halda áfram, þrátt fyr­ir að stýri­maður­inn hafi upp­lýst skip­stjór­ann um árekst­ur­inn og að hann teldi sig hafa séð Höddu vera að sökkva. 

Gat kom á Höddu við árekst­ur­inn og hvolfdi bátn­um og maraði hann í hálfu kafi. Skip­stjóra Höddu tókst hins veg­ar að koma sér út úr sökkvandi bátn­um og svamlaði í sjón­um uns hon­um var bjargað í annað fiski­skip.

Skipstjórinn undir áhrifum við stjórn skipsins

Fram kem­ur í niður­stöðu dóms­ins að skip­stjóri og stýri­maður Longdawn hafi stofnað lífi skip­stjóra Höddu í aug­ljós­an háska á ófyr­ir­leit­inn hátt.

Er þá litið til þess að skipstjórinn var und­ir áhrif­um áfeng­is og áv­ana- og fíkni­efna við stjórn skips­ins og þannig óhæf­ur til þess með full­nægj­andi hætti, en hann gaf sem fyrr seg­ir und­ir­manni sín­um fyr­ir­mæli um hvernig hann skyldi haga för skips­ins.

Tengdar fréttir

Sjávarháski við Garðskaga

„Þessi niðurstaða er bara grín“

• Rúm vika eftir af farbanni: Ákvörðun brátt tekin
• Rannsókn lögreglu lokið: Óljóst um niðurstöðu
• Rannsókn lögreglu á lokametrum
• Skipstjórinn undir áhrifum við slysið

» Fleiri tengdar fréttir

• Blogga um frétt