Fundurinn óvenjulegur í ljósi aðstæðna

Þórdís Kolbrún Reykfjörð Gylfadóttir utanríkisráðherra segir að ríkisráðsfundurinn hafi verið óvenjulegur í ljósi þess að þetta hafi verið síðasti fundur Guðna Th. Jóhannessonar, fráfarandi forseta Íslands.

„Þetta er auðvitað óvenjulegur ríkisráðsfundur að því leyti að þetta er síðasti ríkisráðsfundur sitjandi forseta. Þannig það er svona tilefni til að fara yfir þennan tíma saman, sem hefur auðvitað ekki verið rólegur og ekki einn sögulegur viðburður heldur allnokkrir,“ segir Þórdís í samtali við mbl.is að fundi loknum. 

Hún segir að það hafi verið ljúft og hlýtt að rifja upp síðustu ár þó hún taki fram að fundurinn sjálfur hafi verið nokkuð formfastur.

Frétt af mbl.is

Bjarni: Guðni forseti á sögulegum framfaratímum

„Stór dagur aftur á morgun“

Rædduð þið málefnin eitthvað?

„Þetta var algjörlega hefðbundinn fundur að því leyti að hver og einn ráðherra fer yfir þau mál sem hafa farið í gegn frá síðasta ríkisráðsfundi. Svo í óformlegu spjalli er hægt að tala aðeins um önnur mál,“ segir Þórdís og bætir við:

„Svo er auðvitað stór dagur aftur á morgun með Höllu [Tómasdóttur] í aðalhlutverki sem verður mjög skemmtilegt. Ég hlakka til.“

Halla Tóm­as­dótt­ir verður form­lega sett í embætti á morg­un. At­höfn­in fer fram í Alþing­is­hús­inu og er al­menn­ing­ur boðinn vel­kom­inn á Aust­ur­völl til að fylgj­ast með at­höfn­inni og fagna nýj­um for­seta.

• Blogga um frétt