Helgi Hafnar Gests­son, oftast kenndur við knæpuna Prikið, lét sig ekki vanta á Austurvöll í dag þegar Halla Tómasdóttir tók formlega við embætti forseta Íslands við hátíðlega athöfn.

Á þriðja hundrað manns mættu í miðbæinn til þess að fylgjast með innsetningarathöfninni sem var haldin í Dómkirkjunni og Alþingishúsinu.

Hópurinn fylgdist með á skjá fyrir utan Alþingishúsið. Og eðlilega mátti þar einnig finna eitt af lukkudýrum miðborgarinnar, Helga, sem hefur verið fastakúnni á Prikinu við Bankastræti svo áratugum skiptir.

Frétt af mbl.is

„Smá, en kná og kjarkmikil þjóð“

„Hátíðarstund“

„Ég vildi svona rétt vera viðstaddur,“ segir Helgi í samtali við blaðamenn mbl.is en hann er búsettur í miðborginni og taldi því um að gera að kíkja á innsetningarathöfnina. „Enda hátíðarstund,“ bætir hann við.

Og hvernig líst þér á nýjan forseta?

„Bara vel held ég,“ svarar Helgi, sem efast ekki um að Halla standi sig vel í embættinu.

„Já, ég er alveg viss um það.“

Frétt af mbl.is

Ungir piltar mættu spariklæddir fyrir stemninguna

Tengdar fréttir

Embættistaka Höllu Tómasdóttur

Margt í kringum ferðaþjónustu sem þarf að ræða

• Þarf að sýna í verki að hún sé traustsins verð
• Myndir: Halla verður forseti
• Missti af embættistöku Vigdísar og mætti því núna
• Halla Tómasdóttir er forseti Íslands

» Fleiri tengdar fréttir

• Blogga um frétt