Ætla ekki að hugsa um mánudaginn

Draupnir Jarl Kristjánsson, Hilmar Örn Stefánsson, Stefán Daðason og Embla Ýr Pétursdóttir, segjast ekkert stressuð fyrir veðrinu sem spáð er á Þjóðhátíð um helgina.  

Blaðamenn mbl.is hittu á þau í Landeyjahöfn þegar þau biðu eftir Herjólfi. 

Erfiður mánudagur

Þau koma frá Dalvík, Akureyri og Hauganesi og ætla að vera í Vestmannaeyjum fram á mánudag og gista í íbúð.

Hverju eruð þið spenntust fyrir?

„Rottweiler,“ segir Hilmar. „Að deyja í brekkunni,“ segir Stefán og Draupnir segir „ég verð að vera sammála Stebba þarna.“

Þau segjast eiga ferð í Herjólf til baka á mánudeginum klukkan 23 og skellihlæja. 

„Það verður erfiður mánudagur, en við hugsum ekki um hann.“

• Blogga um frétt