Fresta leit: Sterkur grunur um falsboð

Lögreglan á Suðurlandi hefur frestað leitinni að ferðamönnum sem leitað hefur verið að í Kerlingarfjöllum síðan í gærkvöldi.

Þetta kemur fram í tilkynningu frá lögreglunni á Facebook.

Umfangsmikil leit hefur staðið yfir frá því seint í gærkvöldi í nágrenni við Kerlingarfjöll í kjölfar neyðarbeiðni sem barst Neyðarlínunni kl. 22:18 þess efnis að tveir  væru innlyksa í helli á svæðinu.

Frétt af mbl.is

Tveir festust í helli eftir grjóthrun

Frétt af mbl.is

Óvenjulegar aðstæður og lítið af vísbendingum

Leita að uppruna beiðninnar

Sterkur grunur er um að falsboð sé að ræða en lögreglan á Suðurlandi hefur unnið með tölvurannsóknardeild lögreglunnar á höfuðborgarsvæðinu í dag til að greina uppruna neyðarbeiðninnar.  

Frétt af mbl.is

Þræða alla hella en enginn fundinn

Lögreglan segir að í ljósi þessa sem og að umfangsmikil leit hafi ekki skilað neinum nýjum vísbendingum hafi lögreglustjórinn á Suðurlandi í samráði við Landsbjörg ákveðið að fresta leit þar til frekari vísbendingar koma í ljós. 

Fréttin hefur verið uppfærð.

• Blogga um frétt