Reykvíkingar fengu mest 17,4 gráður
Setja bókamerki
Hitinn í Reykjavík þetta sumar náði mest 17,4 gráðum. Á þessari öld hafa aðeins þrjú ár ekki náð 18 gráðum. Hin árin eru 2022 og 2001.
Sex ár á þessari öld hafa ekki náð 20 gráðum, sem gerir aðeins um 28% tilvika.
Í skriflegu svari frá Kristínu Björg Ólafsdóttur, sérfræðingi á sviði veðurfarsrannsókna á Veðurstofu Íslands, kemur fram að í Reykjavík sé að meðaltali 1 dagur á ári þar sem hitinn mælist 20 gráður eða hærri. Til samanburðar eru slíkir dagar á Akureyri að meðaltali 8.
Hitinn náð 20 gráðum 28 sinnum síðan 1949
28 ár hafa náð 20 gráðum í Reykjavík síðan árið 1949. Það þýðir að hitinn hefur verið lægri en 20 gráður í rúmlega 63% tilvika á síðustu 76 árum.
Í svari Kristínar kemur fram að hitinn hafi náð 20 gráðum eða meira í sumar á sex veðurstöðvum, sem allar eru staðsettar á Norðaustur- eða Austurlandi.
Þær eru Bakkagerði, Egilsstaðaflugvöllur, Hallormsstaður, Húsavík, Möðruvellir í Hörgársveit við Eyjafjörð og Torfur í Eyjafjarðarsveit.
Hitinn í sumar náði mest 27,5 gráðum sem mældist þann 14. júlí á Egilsstaðaflugvelli.
Snjórinn kom á 100 kílómetra hraða
Áfram mælast skjálftar á miklu dýpi
Lokað þinghald í Krýsuvíkurmáli
Rennslið minnkar en bæir enn innlyksa
Kærunefnd á eftir áætlun
Bréf sent á alla forstöðumenn ríkisins
Ekki ljóst hver kostnaður verður