Alvarleg bilun er í klórframleiðslukerfi í Sundhöll Selfoss, að því er segir í tilkynningu sundhallarinnar á Facebook. Þar kemur fram að verið sé að vinna í lausn.
Vegna bilunarinnar verður sundlaugasvæði í sundhöllinni lokað næstu daga, en áfram verður opið í World class, og hægt verður að nota klefana.
Opnunartími í sundlauginni á Stokkseyri verður lengdur á meðan viðgerð stendur yfir í lauginni á Selfossi.