„Getum öll sameinast um að láta fólk vita“
Setja bókamerki
Jón Þór Víglundsson, upplýsingafulltrúi Slysavarnarfélagsins Landsbjargar, segir að björgunarsveitum hafi ekki enn borist neitt útkall vegna veðurs og að í raun sé enginn sérstakur viðbúnaður hjá þeim vegna óveðursins sem spáð er að gangi yfir stóran hluta landsins í vikunni.
Hann brýnir þó fyrir fólki að vera duglegt að miðla upplýsingum til ferðamanna.
Förum vonandi ekki í nein útköll
Appelsínugul viðvörun tekur gildi á Norðurlandi eystra og Ströndum og Norðurlandi vestra í dag. Hún tekur síðan gildi á Austurlandi að Glettingi á morgun.
Gul viðvörun er nú þegar í gildi á Norðurlandi eystra, Miðhálendinu og Ströndum og Norðurlandi vestra.
„Ég held að lykilatriðið núna sé að ferðaþjónustuaðilar eða þeir sem eru með erlenda gesti okkar í gistingu passi upp á að fólk sé meðvitað um hvað er að koma hérna yfir í dag og á morgun og eitthvað fram eftir vikunni,“ segir Jón Þór og bætir við:
„Þá þurfum við kannski ekki að fara í nein útköll. Vonandi þurfum við ekki að fara í nein útköll.“
Þeir sem ætli yfir fjallvegi hinkri
Spurður hvaða tilmæli það eru sem beina mætti til erlendra gesta segir Jón Þór að það verði hver og einn að meta á hverjum stað enda erfitt að gefa eitthvað eitt út fyrir allt það svæði sem um ræðir.
Aðalatriði sé þó ef til vill að fólk sem sé kannski alls ekki vant vetrarakstri við aðstæður eins og þær sem eru að skapast leggi ekki af stað yfir fjallvegi á bílum sem ekki eru útbúnir fyrir veturinn.
„Ég held að við getum öll sameinast um að láta fólk vita. Að þeir sem ætla að fara yfir fjallvegi hinkri kannski aðeins,“ segir Jón Þór og bætir við að veðrið hafi ef til vill minni áhrif á þá sem ætla að ferðast innan héraðs.
Andstaða við áform um ferðaþjónustu
Alvarlegt vinnuslys í Stykkishólmi
Lokaleit að hvítabjörnum með dróna
Harris metin heilsuhraust og þrýstir á Trump
Fyndnasta sem ég veit er gömul kerling með veski!
Látinn frændi birtist í andliti barnsins
Banaslys í Stykkishólmi