Innlent | mbl | 9.9.2024 | 23:25

„Það var ekki verið að drepa fólk í kringum mig“

Stefán Snær Ágústsson, fyrrverandi starfsnemi á Bandaríkjaþingi fyrir Demókrataflokkinn, segir að helsti munurinn á Netflix-þáttunum House of Cards og raunveruleikanum sé sá að ekki hafi verið að drepa fólk í kringum hann á Bandaríkjaþingi.

„Munurinn á House of Cards og því sem ég sá er að það var ekki verið að drepa fólk í kringum mig svona mikið,“ segir Stefán kíminn, spurður að því hver munurinn á raunveruleikanum og Hollywood sé þegar kemur að Bandaríkjaþingi.

„Það var ekki verið að drepa fólk í kringum mig“

Kevin Spacey lék Frank Underwood í House of Cards. Skjáskot/Netflix

Starfaði á þingskrifstofu Erics Swalwells

Stefán ólst upp að mestu í Bandaríkjunum og komst í starfsnám á þingskrifstofu Erics Swalwells, fulltrúadeildarþingmanns demókrata frá Kaliforníu.

Hann komst að því að hann hefði verið í sama framhaldsskóla og Swalwell og í kjölfarið hafði hann samband og sótti um starf, sem hann fékk.

Um tíu manns voru í starfsnámi á þingskrifstofunni og hafði Stefán það hlutverk að stýra hópnum, en það kallast víst „intern wrangler“ á ensku.

Eric Swalwell er maðurinn til vinstri á myndinni. AFP/Getty Images/Justin Sullivan

Ekki að berjast nógu mikið fyrir fólkið

Hann segir að í raunveruleikanum sé það svo að allir stjórnmálamennirnir hafi fyrst og fremst verið að koma sjálfum sér á framfæri.

„Það eru mjög fáir sem eru rosa miklir baráttumenn fyrir fólkið eins og maður myndi vilja,“ segir hann.

Í Dagmálum ræðir hann um reynslu sína af Bandaríkjaþingi, forsetakosningarnar í Bandaríkjunum 5. nóvember og kappræður Donalds Trumps og Kamölu Harris sem fara fram annað kvöld.

Áskrifendur Morgunblaðsins geta nálgast viðtalið í heild sinni með því að smella hér.