„Ekki það sem þjóðin þarf á að halda“
Kári Freyr Kristinsson
Setja bókamerki
„Þetta er mjög dapurt,“ segir Finnbjörn A. Hermannsson, forseti Alþýðusambands Íslands, inntur eftir viðbrögðum við vaxtahækkunum Íslandsbanka.
„Það er sorglegt að þessi græðgi skuli birtast í þessari mynd þegar allir vita hvert við erum að reyna að stefna, að reyna að bjarga heimilunum undan vaxtaokri. Þá hlaupa þeir til og hækka vexti þegar einhverjir fjárfestar vilja fá meiri ávöxtun á peningana sína,“ segir hann.
Íslandsbanki tilkynnti í síðdegis í gær að verðtryggðir breytilegir vextir íbúðalána munu hækka um 0,50 prósentustig og verðtryggðir fastir íbúðalánavextir hækki um 0,40 prósentustig.
„Þetta er ekki það sem þjóðin þarf á að halda. Þetta eru heldur ekki þeir aðilar sem eru að berjast í bökkum um heimilin sín eða að eiga í matinn.“
/frimg/5/73/573970.jpg)
Eru einhver skilaboð sem þú vilt koma til bankanna?
„Það er ekkert annað sem við getum gert en að hvetja þá til þess að draga þetta til baka.
Taumlaus græðgi
Íslandsbanki tilkynnti um vaxtahækkanirnar nokkrum dögum eftir að Arion banki greindi frá vaxtahækkunum. Hækka breytilegir íbúðalánavextir bankans um 0,60 prósentustig en fastir íbúðalánavextir um 0,50 prósentustig.
Vilhjálmur Birgisson, formaður Starfsgreinasambandsins, sagðist í samtali við mbl.is ósáttur við vaxtahækkanirnar. „Græðgi viðskiptabankanna þriggja er taumlaus og henni ætlar aldrei nokkurn tímann að ljúka, “ sagði Vilhjálmur.
Hann sagði fólk þvingað í verðtryggð lán með þessum hækkunum.
„Þetta er skólabókardæmi um það að þegar fólk er núna þvingað eins og sauðfé til slátrunar úr óverðtryggðum vöxtum í verðtryggða vexti að þá fara bankarnir strax í það að hækka vextina duglega á verðtryggðu lánunum,“ sagði Vilhjálmur.
Stýrivextir Seðlabanka Íslands hafa verið 9,25% í rúmlega eitt ár.
Að lágmarki 15.500 urðu fyrir áhrifum
Lið Manchester United flýgur með Icelandair
Efling samdi við SFV
Alvarlegasta rafmagnsleysið síðan 2019
Bitnar á núverandi nemendum
„Þetta er auðvitað ekki ásættanlegt“
Býður almenningi að tjá sig um „aðgerðirnar“