Innlent | mbl | 16.9.2024 | 12:35 | Uppfært 12:58

Þriðja barnið sem banað er á árinu

Þremur börnum hefur verið ráðinn bani á árinu. mbl.is/Eggert Jóhannesson

Sjö manns hefur verið banað á árinu af hendi annarrar manneskju, í samtals sex málum.

Af þessum sjö sem hefur verið ráðinn bani eru börn fórnarlömb í þremur tilvika. Í heild hafa tólf manneskjur verið myrtar á Íslandi á u.þ.b. síðustu átján mánuðum.

Fyrsta málið þar sem barn var fórnarlamb kom upp á Nýbýlavegi í janúar. Kona um fimmtugt hefur viðurkennt að hafa ráðið sex ára syni sínum bana og reynt að valda einnig eldri syni sínum skaða.

Aðalmeðferð í Nýbýlavegsmálinu hafin

Þá leiddi hnífsstunga á Menningarnótt til andláts Bryndísar Klöru Birgisdóttur, sautján ára nemanda við Verzlunarskólann.

Sextán ára piltur er í haldi, grunaður um verknaðinn.

Stúlkan er látin

Í dag barst tilkynning frá lögreglu um að stúlka á grunnskólaaldri hefði verið myrt og að karlmaður sé í haldi grunaður um verknaðinn.

Er hann sagður sjálfur hafa hringt í lögreglu vegna málsins.

Fjögur manndrápsmál þar sem fullorðnir eru fórnarlömb

Á þessu ári hafa þrjú manndrápsmál komið til kasta lögreglu þar sem fórnarlömbin eru fullorðin.

Manni var ráðinn bani í sumarhúsi í Kiðjabergi í apríl og voru tveir menn frá Litháen færðir í gæsluvarðhald vegna þess.

Rannsókn á manndrápi á lokastigi

Þá fannst kona um fimmtugt látin í heimahúsi á Akureyri en karlmaður á sjötugsaldri var handtekinn vegna málsins.

Beitti konuna margs konar ofbeldi

Loks var hjónum ráðinn bani í Neskaupsstað í ágúst. Karlmaður er í haldi grunaður um verknaðinn.

„Myndin er alltaf að verða skýrari“

Fimm manndrápsmál á síðasta ári

Fimm morð voru framin á síðasta ári. Þann 20. apríl 2023 var pólskur maður stunginn til bana í Hafnarfirði á bílastæðinu við Fjarðarkaup. Landsréttur dæmdi í júní nítján ára karlmann í 12 ára fangelsi fyrir morðið.