„Róleg alveg fram í miðjan nóvember“
Setja bókamerki
„Þetta er endurtekið efni. Við sjáum mjög svipað ferli og eftir síðasta gos,“ segir Benedikt Gunnar Ófeigsson, fagstjóra aflögunarmælinga á Veðurstofu Íslands, spurður út í stöðu mála við Sundhnúkagíga.
Kvika safnast upp á sama svæði og áður undir Svartsengi og landris hagar sér eins og fyrir síðustu tvö eldgos, segir Benedikt Gunnar. „Það er að lengjast á milli atburða, sem á eftir að búa til lengra tímabil óvissu,“ bætir hann við og bendir á að rúmmál kviku safnist sífellt meira upp á milli eldgosa.
Síðasta gosi lauk sjötta þessa mánaðar. Það stóð yfir í tvær vikur og var það þriðja lengsta af þeim sex sem hafa orðið á Sundhnúkagígaröðinni frá því í desember 2023.
„Ég held að við getum verið róleg alveg fram í miðjan nóvember,“ segir Benedikt Gunnar en tekur fram að vitaskuld geti alltaf eitthvað gerst.
Spurður hversu landrisið sé mikið segir hann að beðið verði með að mæla það þangað til meira hefur safnast upp af kviku.
Skýr skilaboð um að flýta vinnunni
Skrifar um ást og sorg í lífi Jónasar
„Hefur skipt mannskapnum upp í fylkingar“
„Hafði vissulega mikil áhrif á kerfin okkar“
Gekk bara einu sinni á uppsafnað orlof
„Svarið er held ég flestum augljóst“
„Við erum bara ekki nógu mörg“
Höfum tekið á móti of mörgum flóttamönnum
