Nokkur umferðarslys á borði lögreglu

Þorsteinn M. Kristinsson, aðalvarðstjóri lögreglunnar á Suðurlandi, segir alvarleika bílveltunnar sem varð í morgun við Fagurhólsmýri á Suðurlandi þess eðlis að þyrlan hafi verið kölluð út. Snemma í morgun hafi bifreið einnig farið út af veginum í Þrengslunum. 

Þetta segir Þorsteinn í samtali við mbl.is. 

Aðspurður segist Þorsteinn ekki geta sagt til um ástand þeirra sem slösuðust í bílveltunni. 

Frétt af mbl.is

Tveir fluttir með þyrlu eftir bílveltu

Bifreið fór út af veginum í Þrengslunum

Tveir voru fluttir með þyrlu Landhelgisgæslunnar á Landspítalann um þrjúleytið. Slysið varð í morgun upp úr tíu.

Spurður hvort lögreglunni hafi borist fleiri tilkynningar um slys segir Þorsteinn að ökumaður bifreiðar hafi ekið út af veginum í Þrengslunum eldsnemma í morgun. Hann segir slysið ekki hafa verið alvarlegt.

Jafnframt nefnir Þorsteinn umferðarslys tveggja bifreiða sem varð austan Seljalandsfoss á Suðurlandsvegi í gær. 

Þorsteinn brýnir fyrir mönnum að vera á varðbergi vegna hálku á vegum. 

Frétt af mbl.is

Þrír fluttir með þyrlunni á sjúkrahús

• Blogga um frétt