Útlit er fyrir norðvestanhvassviðri á austanverðu landinu á morgun. Þá gera spár ráð fyrir stormi sunnan til á Austfjörðum en mun hægari vindur verður vestan til. Næsta lægð nálgast síðan úr suðvestri. 

Þetta kemur fram í hugleiðingum veðurfræðings á Veðurstofu Íslands. 

Gul veðurviðvörun vegna vinds tekur gildi á Austfjörðum kl. 10 í fyrramálið. Él verða á Norður- og Austurlandi, en annars léttskýjað.

Síðasta lægð gekk yfir fyrr í vikunni með tilheyrandi rigningu og hvassviðri.

„Næsta lægð nálgast síðan úr suðvestri og fer að þykkna upp vestan til á föstudagskvöld, en lægir þá jafnframt og rofar til fyrir austan. Á laugardag er búist við stífri suðvestanátt með slyddu og síðar rigningu og hlýnandi veðri, en þurrt að mestu norðaustanlands,“ segir enn fremur í hugleiðingum. 

Tengdar fréttir

Veður

Svona liggja rýmingarsvæðin

• 140 þurfa að yfirgefa heimili sín
• Fjöldahjálpastöðvar opnaðar
• Rýmingar í Neskaupstað og á Seyðisfirði
• Appelsínugul viðvörun á Austurlandi og Austfjörðum

» Fleiri tengdar fréttir

• Blogga um frétt