Stakk af eftir árekstur

Lögreglunni barst tilkynning um umferðarslys í gærkvöld þar sem bíll fór út af vegi og valt. Ökumaður var einn í bifreiðinni og var fluttur á bráðamóttöku. Ekki er vitað um meiðsli hans.

Þetta kem­ur fram í dag­bók lög­regl­unn­ar á höfuðborg­ar­svæðinu vegna verk­efna frá klukk­an 17 í gær til 5 í morg­un. Alls eru 59 mál bókuð í kerf­um lög­reglu á tíma­bil­inu og einn gistir í fanga­klefa.

Lögreglan í Kópavogi fékk tilkynningu um árekstur og afstungu í gærkvöld. Lögreglan veit hver gerandi er og málið er í rannsókn.

Lögreglunni á stöð 1, sem sinnir Austurbænum, miðbænum, Vesturbænum og Seltjarnarnesi, fékk tilkynningu um minniháttar líkamsárás í hverfi 108 og var málið afgreitt á vettvangi.

Þá var tilkynnt var um vinnuslys í hverfi 108. Þar hafði maður dottið úr stiga og var hann talinn rifbeinsbrotinn. Hann var fluttur á bráðamóttöku til frekari skoðunar.

Þá var mannlaus bifreið á miðri akrein í Hafnarfirði fjarlægð með dráttarbifreið.

• Blogga um frétt