Þingflokkarnir funda hver í sínu lagi í dag
Setja bókamerki
Þingflokkar Samfylkingar, Viðreisnar og Flokks fólksins munu funda hver í sínu lagi í hádeginu í dag og verður þá staðan í stjórnarmyndunarviðræðunum kynnt fyrir þingmönnum.
Sex vinnuhópar með mismunandi málefnasvið halda einnig áfram með sína vinnu í dag, en Þorgerður Katrín Gunnarsdóttir, formaður Viðreisnar, sagði í gær að hugsanlega myndu hóparnar ljúka störfum á morgun, föstudag.
Meðal málefnasviða vinnuhópanna eru ríkissjóður, húsnæðismálin, heilbrigðismálin, menntamál og gervigreind. Ekki hefur verið gefið upp hverjir skipa hvaða hóp.
Níu manna viðræðuhópur hittist í dag
Þá mun hópurinn sem kemur að stjórnarmyndunarviðræðunum væntanlega hittast og funda seinni partinn í dag. Um er að ræða níu manna hóp sem fyrir utan formenn flokkanna, er skipaður varaformönnum og aðstoðarmönnum.
Þorgerður sagði í viðtali við mbl.is að hún teldi ástæðu til að ætla að ný ríkisstjórn yrði mynduð fyrir áramót, en Kristrún Frostadóttir, formaður Samfylkingarinnar, og Inga Sæland, formaður Flokks fólksins, hafa einnig talað á þeim nótum.
Sagði Þorgerður að góður gangur væri í viðræðunum en að nýjustu tölur frá fjármálaráðuneytinu, um verri afkomu ríkissjóðs, hefðu tafið þær eitthvað.
Íbúarnir kvarta yfir óbærilegum hávaða
Snjórinn kom á 100 kílómetra hraða
Mögulega verið betra að hlusta á íbúa
Ragnar Þór segir af sér hjá ASÍ
Áforma framleiðslu vetnis við Korpu
Ráðinn til 2028 – vonast til að vera lengur
Þessi óvissa er algerlega óþolandi