Slagsmál á þorrablóti

Hámundur segir miður að atvik hafi orðið sem leiddi til …
Hámundur segir miður að atvik hafi orðið sem leiddi til þess að gæslan á ballinu taldi sig þurfa að loka ballinu á meðan lögreglan leysti málin. mbl.is/Eggert Jóhannesson

Slagsmál brutust út á þorrablóti Njarðvíkur í gærkvöldi, að sögn sjónarvotta.

Í samtali við mbl.is segir Hámundur Örn Helgason, framkvæmdastjóri Ungmennafélagsins Njarðvík, miður að atvik hafi orðið sem leiddi til þess að gæslan á ballinu taldi sig þurfa að loka ballinu á meðan lögreglan leysti málin.

Að sögn Hámundar kom ekki til þess að gestum væri vísað út af staðnum en ljósin voru kveikt og hljómsveit tók pásu, á meðan lögreglan leysti málið.

„Ballið kláraðist svo með friðsælum hætti og langflestir fóru heim af þessu glæsilega þorrablóti með bros á vör,“ segir hann.

Var þorrablótið það stærsta í sögu félagsins og sótt af um 600 gestum.

mbl.is
Fleira áhugavert
Fleira áhugavert