Samn­inga­nefnd­ir Kenn­ara­sam­bands Íslands og Sam­bands ís­lenskra sveit­ar­fé­laga hafa verið að funda í Karp­hús­inu frá klukkan tíu í morgun. 

„Við höfum verið að kanna hvort það sé hægt að ná þessu saman. Það er vinna sem stendur enn þá yfir en er bara mjög þung og erfið,“ segir Ástráður Haraldsson ríkissáttasemjari í samtali við mbl.is.

Ástráður lagði fram inn­an­hússtil­lögu í kjara­deilu kenn­ara á fimmtu­dag. Stjórn Sam­bands ís­lenskra sveit­ar­fé­laga samþykkti til­lög­una á föstudag, en kenn­ar­ar féllust ekki á hana í þeirri mynd sem Ástráður lagði hana fram. Þeir gera kröfu um breyt­ing­ar á ákveðnum skil­mál­um.

Ná­ist samn­ing­ar ekki í dag hefjast verk­fallsaðgerðir kenn­ara á ný á mánu­dag. Þá leggja kenn­ar­ar í fjór­tán leik­skól­um og sjö grunn­skól­um niður störf. Fé­lag fram­halds­skóla­kenn­ara hef­ur einnig gefið út að greidd verði at­kvæði um verk­föll í nokkr­um fram­halds­skól­um strax eft­ir helgi.

Frétt af mbl.is

Í þessum leik- og grunnskólum eru fyrirhuguð verkföll

Spurður hvort hann sé bjartsýnn á að samningar náist segir Ástráður:

„Ég vil nú helst alltaf vera bjartsýnn, en ég auðvitað kann á klukku og tíminn er að renna frá okkur.“

Tengdar fréttir

Kjaraviðræður

Opinber vinnumarkaður brjóti launastefnu

• „Þurfum bara að rífast um hvert á að fara“
• Laun hækka umtalsvert og kaupmáttur eykst
• Samningaviðræður stefna í strand
• Samningslaus og kosið um verkfall

» Fleiri tengdar fréttir

• Blogga um frétt