Smíða úrræði fyrir „hættulega einstaklinga“

Alma Möller, heilbrigðisráðherra, segir frétt af manndrápsmál í Neskaupstað meðal þess sem endurspeglar þann vanda sem blasir við þegar kemur að jaðarsettum einstaklingum í samfélaginu. Sjö ráðuneyti vinna að tillögum um öryggisvistun einstaklinga sem taldir eru hættulegir. 

Það eru einstaklingar sem jafnvel hafa lokið fangelsisvist og/eða hafa ekki sakhæfi. Samhliða er vinna í gangi varðandi það að tryggja framtíðar húsnæði geðþjónustu Landspítala.

Alfreð Erling Þórðarson, sem ákærður er fyrir manndráp á hjónum í Neskaupstað, hefur um langa hríð átt við geðrænan vanda að etja og var metinn mögulega hættulegur sjálfum sér og öðrum í skýrslu geðlækna áður en voðaverkið var framið. 

Málið í forgangi 

Forsætisráðuneytisins stýrir vinnu ráðuneytanna. Alma segir málið í forgangi og til marks um það var minnisblað um málefnið rætt á einum af fyrstu ríkisstjórnarfundum nýrrar ríkisstjórnar.  Meðal annars er unnið að því að kortleggja þann hóp sem þarf á slíku sértæku úrræði að halda.

Frétt af mbl.is

Úrskurðaður í nauðungarvistun þegar morðin voru framin

„Þetta er flókið mál, því það þarf að skilgreina hvernig þjónustu við getum veitt þessum einstaklingum en líka að skýra lögfræðileg atriði upp á það hvaða úrræðum er hægt að beita.“

Frétt af mbl.is

Of mikil einföldun að skella skuldinni á geðrof

„Þetta er hópur einstaklinga sem eru taldir hættulegir. Vinnan er í forgangi og það á bæði að vinna þetta hratt og það á að gera þetta allt vel,“ segir Alma.

Snertir öryggi borgaranna

„Þetta er mál sem snertir velferð og mannréttindi þessara einstaklinga og snertir öryggi borgaranna. En þetta eru kostnaðarsöm úrræði og með því að horfa á málin heildstætt þá má best tryggja hagkvæmnissjónarmið,“ segir Alma.

• Blogga um frétt