Ríkissaksóknari dró hæfið ekki í efa
Setja bókamerki
Ríkissaksóknari hefur þegar úrskurðað um hæfi embættis lögreglustjórans á Suðurnesjum í tengslum við rannsókn á banaslysi er varð í Grindavík 10. janúar í fyrra þegar Lúðvík Pétursson féll í sprungu og lést þegar hann vann að því að fylla sprungur við hús í Hópahverfi fyrir Náttúruhamfaratryggingar Íslands.
Sigríður dró hæfið ekki í efa
Hæfið var dregið í efa af tveimur þeirra sakborninga sem eru til rannsóknar í málinu og manneskju sem þá var vitni í málinu. Var því erindi vísað til Sigríðar J. Friðjónsdóttur ríkissaksóknara. Voru þau sjónarmið uppi að lögreglustjórinn væri hluti af viðbragði Almannavarna í Grindavík og hefði þar af leiðandi ekki hæfi til að rannsaka slysið. Sigríður dró hæfið ekki í efa og úr varð að rannsóknin var á herðum Lögreglunnar á Suðurnesjum. Fimm hafa réttarstöðu sakbornings í málinu.
„Eftir að hafa kynnt sér atvik málsins, einkum út frá rannsóknargögnum sem þegar liggja fyrir, og með hliðsjón af hlutverki lögreglustjórans og ríkislögreglustjóra samkvæmt almannavarnarlögum, telur ríkissaksóknari lögreglustjórann á Suðurnesjum ekki skorta hæfi til rannsóknar málsins,“ segir í niðurstöðu ríkissaksóknara.
Hávær mótmæli fyrir utan ríkisstjórnarfund
Lögregla heldur spilunum þétt að sér
Heiða hættir sem formaður SÍS
Kannski tilefni til að endurskoða heimildir
„Hermann Austmar er hetja“
„Aldrei verið jafn nálægt því að semja um frið“
Rúmmál kviku undir Svartsengi hefur aldrei verið meira
Um 200 fjölskyldur þurfa á stuðningi að halda