Funda með forsætisráðherra
Setja bókamerki
„Það er ábyrgðarhluti hjá stjórnvöldum og sveitarfélögum þegar þau ganga frá samningum við þessi fyrirtæki að tryggt sé að ekki sé verið að fara illa með og vanvirða starfsfólk,“ segir Vilhjálmur Birgisson formaður Starfsgreinasambandsins.
Forystufólk í verkalýðshreyfingunni hefur lýst því yfir að það vilji að ríki og sveitarfélög segi upp samningum við ræstingafyrirtæki sem ekki hafi staðið við umsamdar launahækkanir við starfsfólk sitt. Sólveig Anna Jónsdóttir formaður Eflingar hefur sagt að dæmi séu um að laun ræstingafólks hafi verið lækkuð um allt að 20 prósent eftir að það hefur verið látið skrifa undir breytingar á ráðningarsamningi.
Verða að axla ábyrgð
Vilhjálmur segir í samtali við Morgunblaðið að hann hafi óskað eftir fundi með Kristrúnu Frostadóttur forsætisráðherra vegna málsins. Svar hafi borist á fimmtudag og staðfest sé að fundur verður haldinn á föstudag í næstu viku. Hann sitja auk Vilhjálms og Kristrúnar þau Sólveig Anna Jónsdóttir og Heiða Björg Hilmisdóttir, formaður Sambands íslenskra sveitarfélaga.
„Stjórnvöld og sveitarfélög geta ekki skotið sér undan þeirri ábyrgð að þau eru búin að leita til þessara aðila með því að úthýsa ræstingunni,“ segir Vilhjálmur.
Nánar má lesa um málið í Morgunblaðinu í dag, laugardag.
Þá finnst ekki hjartslátturinn
Segir sjúkraflug á Húsavík í uppnámi
Málið teygir anga sína út fyrir skólann
Minni verðbólga léttir róðurinn hjá ríkissjóði
Raðhúsalengja flutt milli landshluta
Óskýr ákvæði um kílómetragjald í landbúnaði
Fara fram á gæsluvarðhald yfir fjórða: Voru saman í bíl með þeim látna
Gagnaleki nær til korta á Íslandi