Lögreglan á höfuðborgarsvæðinu hefur hafið rannsókn á E. coli-smiti sem kom upp á leikskólanum Mánagarði í október síðastliðnum.

RÚV greindi fyrst frá en Elín Agnes Kristínardóttir, yfirlögregluþjónn hjá miðlægri rannsóknardeild lögreglunnar, staðfestir þetta í samtali við mbl.is. 

Smitið var rakið til blandaðs nautagripa- og kindahakks, en það var niðurstaða rannsóknar stýrihóps að meðhöndl­un og eld­un hakks­ins hefði ekki verið með full­nægj­andi hætti á leik­skól­an­um.

Bótaskylda viðurkennd

Á fimmta tug barna á leikskólunum veiktust og nokkur þeirra mjög alvarlega.

Þriggja ára stúlka var ein þeirra og var henni haldið sofandi í öndunarvél um tíma.

Komu foreldrar hennar fram í fréttaskýringaþættinum Kveik nýlega og kröfðust þess að lögregla rannsakaði málið, en Félagsstofnun stúdenta, sem rekur leikskólann, hefur viðurkennt mistök og tryggingafélag þeirra viðurkennt bótaskyldu í málinu.

Tengdar fréttir

E.coli-hópsýking á Mánagarði

Vilja rannsókn og að FS verði dregið til ábyrgðar

• Ráðast í átak eftir smitið á Mánagarði
• Óvíst hvort þýskt eða íslenskt kjöt olli hópsmitinu
• Glíma enn við eftirköst E.coli-smits í Efstadal
• Einhver börn hugsanlega með varanlegan nýrnaskaða

» Fleiri tengdar fréttir

• Blogga um frétt