Barnið sem lést var farþegi í fólksbifreiðinni

Rannsókn á tildrögum umferðarslyssins sem varð á gatnamótum Vesturlandsvegar og Vestfjarðarvegar síðastliðinn fimmtudag er í fullum gangi að sögn lögreglufulltrúa hjá lögreglunni á Vesturlandi. Barn á öðru ári lést í slysinu en það var farþegi í fólksbifreið sem lenti í árekstri við rútubifreið.

Frétt af mbl.is

Barn lést í umferðarslysinu

Tveir voru fluttir á bráðamóttöku, annar með þyrlu en hinn með sjúkrabifreið, en ekki er talið að þeir hafi slasast alvarlega og þá var einn fluttur til skoðunar á heilsugæslu.

Á þriðja tug farþega voru samtals í báðum bifreiðunum, um 20 voru í rútunni og þrír í fólksbifreiðinni. 

Frétt af mbl.is

Á þriðja tug í bifreiðunum: Einn fluttur á sjúkrahús

Rannsóknardeild lögreglunnar á Vesturlandi fer með rannsókn málsins og verða ekki veittar frekari upplýsingar að svo stöddu.

• Blogga um frétt