Pipar\TBWA aftur auglýsingastofa ársins
Setja bókamerki
Pipar\TBWA hefur verið valin auglýsingastofa ársins annað árið í röð.
ÍMARK, samtök íslensks markaðsfólks, veita verðlaunin árlega en þau eru eftirsóttustu verðlaun auglýsingageirans. Markaðsstjórar íslenskra fyrirækja kjósa.
Verðlaunin eru meðal annars veitt fyrir framúrskarandi þjónustu, hugmyndaauðgi fagleg vinnubrögð og áherslu á árangur viðskiptavina á nýliðnu ári.
Guðmundur Pálsson, framkvæmdastjóri Pipar/TBWA segist í tilkynningu bæði afar stoltur og ánægður að hjóta þessi stóru verðlaun annað árið í röð.
„Pipar\TBWA hefur verið í fremstu röð á Íslandi og nýtur þess að vera í samstarfi við eina stærstu keðju auglýsingastofa í heiminum, TBWA.
Hugmyndaauðgi hefur verið helsta söluvara okkar síðustu ár en við erum það lánsöm að vera með góðan hóp fólks hér á stofunni með mikla og góða reynslu.
Í þessum bransa er fólkið einmitt aðalatriðið, því hugmyndir og ráðgjöf eru það sem þetta gengur aðallega út á,“ er haft eftir Guðmundi.
Pipar\TBWA vann einnig tvo lúðra í flokkunum PR annars vegar og veggspjöld og skilti hins vegar fyrir herferðina „Ekki taka skjáhættuna“ sem stofan vann í samstarfi við Sjóvá.
Icelandair hlaut þá titilinn Vörumerki ársins 2024.
Kannski tilefni til að endurskoða heimildir
Nafn ökumannsins sem lést við Flúðir
Rúmmál kviku undir Svartsengi hefur aldrei verið meira
Kastaði hellubroti í höfuðið á grandalausum manni
Yfir tuttugu börn bíða eftir að komast að
„Aldrei verið jafn nálægt því að semja um frið“
Gagnrýnir Rósu harðlega fyrir stjórnarsetu í SÍS