„Hvað, er þetta ekki ellefta gosið?“ spyr Sigurður Hallfreðsson smiður, sem starfar hjá verktakafyrirtækinu Verkási, en starfsmenn þess hafa haft veg og vanda af viðhaldi grindverks við skóla í Grindavík og varð ekki messufall þrátt fyrir síðasta gos.

Í vinnunni fylgir „vinnuhundurinn“ Baltó, af ætt og kyni schnauzer, Sigurði og neitar sá síðarnefndi því alfarið að nokkurn gosbeyg hafi sett að þeim félögum, margt þarf enda að vinna í Grindavík eins og öðrum sveitarfélögum landsins þótt við ramman sé reip að draga þar sem ægivald náttúrukraftanna er annars vegar.

Starfsmenn Verkás að störfum í Grindavík. mbl.is/Eggert Jóhannesson

Vaskur vinnuhundur

Baltó hefur mætt til vinnu með Sigurði í allt að fjóra mánuði og er sem prúðastur á meðan húsbóndi hans er að störfum.

Aðspurður segir Sigurður að hann kippi sér ekkert upp við þótt jörðin byrji að nötra en tíðir jarðskjálftar hafa mælst á Reykjanesskaga frá því að síðasta eldgos braust úr síðastliðinn miðvikudag. 

„Það er ekkert hættulegra fyrir hann en mig að vera í Grindavík,“ segir Sigurður. 

Tengdar fréttir

Eldvirkni á Reykjanesskaga

Landris mælist áfram í Svartsengi

• Dregið úr virkni og stærð skjálfta við Grímsey
• „Værum ekkert með opið ef það væri hættulegt“
• „Ólíklegt að það dragi til tíðinda fyrr en í fyrsta lagi í haust“
• Lík­leg­a 100-150 ár í að næsti hluti fari af stað

» Fleiri tengdar fréttir

Raddir Grindvíkinga

Mega gista í gömlu eignunum

• „Værum ekkert með opið ef það væri hættulegt“
• Neyðist til að opna veitingastaðinn
• Þrýst á að heimilt verði fyrir alla að gista
• Staðfesta stuðning við Grindvíkinga

» Fleiri tengdar fréttir

• Blogga um frétt