Þetta verða eflaust eftirsóttar íbúðir enda í nágrenni við Landsbókasafnið, Eddu, Hótel Sögu, Melaskóla og Háskólabíó. Umhverfis- og skipulagsráði var falið að afgreiða málið.

Í kynningu á nýju deiliskipulagi, sem unnið er af arkitektastofunni Nordic Office of Architecture, kemur fram að stærð lóðarinnar er 1.452 fermetrar og byggingareiturinn er 880 fm. Áformað er að byggja 4-5 hæða hús með 42 íbúðum af ýmsum stærðum og gerðum. Byggingin verður brotin upp og skipt í þrjá hluta sem stallast og hliðrast til meðfram Birkimel, eins og segir í kynningunni. Í henni eru birtar tölvumyndir sem sýna drög að útliti.

Byggingamagn ofanjarðar verði 4.120 fm og neðanjarðar 1.452 fm, eða samtals 5.572 fermetrar. Sameiginlegar miðlægar þaksvalir verði 222 fm. Nú er á lóðinni eitt hús, 100 fermetra bensínstöð og veitingastaður. Húsið verður fjarlægt og sömuleiðis bensíndælur. Nýtingarhlutfall fari úr 0,05 í 3,84.

Á þessum stað við Birkimelinn hefur verið selt bensín um áratuga skeið. Sá tími er að líða undir lok. Morgunblaðið/sisi

Nán­ari um­fjöll­un má finna í Morg­un­blaðinu í gær, laug­ar­dag. Einnig má nálg­ast hana án end­ur­gjalds í Mogg­an­um, nýju appi Morg­un­blaðsins og mbl.is.

Tengdar fréttir

Húsnæðismarkaðurinn

Önnur nálgun gildir í Árborg: „Fólk vill sérbýli“

• Lýsa yfir áhyggjum af stöðu húsnæðismála og verðbólgu
• Vilja enga þéttingu í Grafarvogi
• Eftirlitið í molum
• Óseldar íbúðir fyrir milljarðatugi

» Fleiri tengdar fréttir