Kona sem var handtekin á höfuðborgarsvæðinu á föstudag vegna andláts föður síns er með réttarstöðu sakbornings í málinu. Að svo stöddu eru engir fleiri grunaðir um aðkomu að andlátinu.

Lögregla var kölluð út snemma á föstudagsmorgun eftir að tilkynning hafi borist um meðvitundarlausan mann í heimahúsi á höfuðborgarsvæðinu. Lögreglan skrifar í tilkynningu að hann hafi verið fluttur á slysadeild, þar sem hann hann hafi látist skömmu síðar.

Kona um þrítugt, sem er dóttir mannsins samkvæmt heimildum mbl.is, var handtekin í húsinu og úrskurðuð í gæsluvarðhald seinna um kvöldið.

Frétt af mbl.is

Kona í gæsluvarðhaldi vegna rannsóknar á andláti manns

Lögreglan vill ekkert gefa upp

Lögreglan heldur spilunum þétt að sér og gefur ekki einu sinni upp bæjarfélagið þar sem lögregla var kölluð út. Útkallið hafi verið á höfuðborgarsvæðinu, en í ekki Reykjavík.

Að svo stöddu eru engir fleiri grunaðir um aðkomu að andláti mannsins. „Nei, það eru ekki neinir fleiri á leiðinni í gæsluvarðhald,“ segir Elín Agnes Krist­ín­ar­dótt­ir, hjá miðlægri rann­sókn­ar­deild lög­regl­unn­ar á höfuðborg­ar­svæðinu, en tekur fram að auðvitað geti eitthvað nýtt komið í ljós. 

Veistu meira? Þú getur sent okkur ábendingar á frettir@mbl.is

Frétt af mbl.is

Mannslát í heimahúsi: Tengjast fjölskyldböndum

Tengdar fréttir

Andlátsmál á Arnarnesi

„Rannsóknin er í góðum farvegi“

• Konan sögð neita sök í málinu
• „Mikil vinna í gangi varðandi skýrslutökur og gagnaöflun“
• Nafn mannsins sem lést á föstudag
• Gæsluvarðhald framlengt um þrjár vikur

» Fleiri tengdar fréttir

• Blogga um frétt