15 bækur tilnefndar

Tilnefningar til Barnabókaverðlauna Reykjavíkurborgar 2025 voru kynntar í Iðnó við Vonarstræti fyrir stundu. Alls voru 15 bækur í þremur flokkum tilnefndar, en fimm bækur eru tilnefndar í hverjum flokki, það er flokki barna- og ungmennabóka frumsaminna á íslensku, flokki myndlýstra bóka og flokki þýddra barna- og ungmennabóka. 

​Verðlaunin sjálf veitt við hátíðlega athöfn í Höfða þann 23. apríl, á alþjóðlegum degi bókarinnar, sem jafnframt er síðasti vetrardagur.

Eftirtaldir rithöfundar, myndhöfundar og þýðendur eru tilnefndir til Barnabókaverðlauna Reykjavíkurborgar 2025 fyrir eftirtaldar bækur (í stafrófsröð höfunda og þýðenda):

​Barna- og ungmennabækur frumsamdar á íslensku

• Kasia og Magdalena eftir Hildi Knútsdóttur sem Forlagið – JPV útgáfa gefur út. 
• Kóngsi geimfari eftir Laufeyju Arnardóttur sem Hugun – Lofn útgáfa gefur út. Örn Tönsberg myndlýsti. 
• Mamma sandkaka eftir Lóu Hlín Hjálmtýsdóttur sem Salka gefur út. 
• Vísindalæsi 5  – Kúkur, piss og prump eftir Sævar Helga Bragason sem Forlagið – JPV útgáfa gefur út. Elías Rúni myndlýsti. 
• Stórkostlega sumarnámskeiðið eftir Tómas Zoëga sem Forlagið - Mál og menning gefur út. Sólrún Ylfa Ingimarsdóttir myndlýsti. 

​Myndlýsingar í barnabókum

• ​Skrímslaveisla eftir Áslaugu Jónsdóttur sem Forlagið – Mál og menning gefur út. Bókina vann Áslaug í samvinnu við Kalle Güttler og Rakel Helmsdal. 
• Vísindalæsi 5 – ​Kúkur, piss og prump eftir Elías Rúna sem Forlagið – JPV útgáfa gefur út. Höfundur textans er Sævar Helga Bragason. 
• ​Matti og Maurún eftir Laufeyju Jónsdóttur sem Bókafélagið gefur út. Höfundur textans er Marco Mancini. 
• ​Tumi fer til tunglsins eftir Lilju Cardew sem Bókabeitan gefur út. Höfundur textans er Jóhann G. Jóhannsson. ​
• Tjörnin eftir Rán Flygenring sem Angústúra gefur út. 

​​Þýddar barna- og ungmennabækur

• ​Matti og Maurún eftir Marco Mancini sem Andreas Guðmundsson Gähwiller, Laufey Jónsdóttir og Marco Mancini þýddu í sameiningu og Bókafélagið gefur út. Laufey Jónsdóttir myndlýsti. 
• ​Kynsegin eftir Maia Kobabe sem Elías Rúni og Mars Proppé þýddu og Salka gefur út. 
• ​Ég og Milla –  Allt í köku eftir Anne Sofie Hammer sem Jón St. Kristjánsson þýddi og Forlagið – Vaka-Helgafell gefur út. Sofie Lind Mesterton myndlýsti. 
• ​Lockwood og Co. – Öskrin frá stiganum eftir Jonathan Stroud sem Sólveig Sif Hreiðarsdóttir þýddi og Kver bókaútgáfa gefur út. ­Alessandro „Talexi“ Taini myndlýsti. 
• ​Risaeðlugengið – Leyndarmálið eftir Lars Mæhle sem Æsa Guðrún Bjarnadóttir og Sverrir Jakobsson þýddu og Forlagið - Mál og menning gefur út. Lars Rudebjer myndlýsti. 

Dómnefnd verðlaunanna í ár skipa þau Sigrún Margrét Guðmundsdóttir (formaður, skipuð af Reykjavík bókmenntaborg UNESCO), Arngrímur Vídalín (skipaður af Rithöfundasambandi Íslands) og Bergrún Adda Pálsdóttir (skipuð af Félagi íslenskra teiknara).  

• Blogga um frétt