Lengja opnunartímann á ný

Menningar- og íþróttaráð Reykjavíkurborgar hefur samþykkt tillögu um lengri opnunartíma í sundlaugum borgarinnar í sumar. Lengist opnunartíminn um eina klukkustund frá og með 1. júní til 31. ágúst. 

Opið verður til 22 í sundlaugum borgarinnar um helgar í sumar en opið hefur verið til 21 um helgar frá því á síðasta ári þegar ákveðið var að stytta opnunartímann til að spara fé.

Opið verður 10-18 í Klébergslaug á Kjalarnesi um helgar í sumar en nú er opnunartíminn 11-18. 

Frétt af mbl.is

Lengur opið á rauðum dögum en styttra um helgar

Frétt af mbl.is

Sundlaugargestir ósáttir við styttinguna

Útgjöld upp á sjö milljónir

Gert er ráð fyrir að útgjöld borgarinnar aukist um sjö milljónir króna vegna launakostnaðar vegna lengri opnunartíma. Í tillögunni segir að væntar tekjur muni jafnast út á móti auknum rekstrarkostnaði. 

Tillagan var lögð fram af Samfylkingu, Pírötum og Vinstri grænum. 

Í greinargerð með tillögunni er lögð fram bókun þar sem fulltrúar menningar- og íþróttaráðs fagna lengri breytingunni.

Segir þar jafnframt að tillagan taki mið af lögfestum útivistartíma barna og ungmenna sem hefur „mikilvægt forvarnargildi og stuðlar að heilbrigðri samveru fjölskyldu og vina“.

• Blogga um frétt