Öll börn sem verða 18 mánaða eða eldri 1. september næstkomandi, og eru með umsókn í borgarrekna leikskóla, hafa fengið boð um vistun á leikskóla. 

Þetta kemur fram í tilkynningu frá Reykjavíkurborg. 

Einnig kemur fram að hægt hafi verið að verða við óskum frá flestum þeirra sem sóttu um flutning á milli leikskóla. Að auki hefur yngri börnum sem eru í forgangi í úthlutun verið boðin vistun. 

2081 barn með vistun 

„Þegar fyrsta hluta úthlutunar leikskólaplássa lauk þann 14. apríl höfðu foreldrar 2081 barns fengið boð og þegið vistun í borgarrekna og sjálfstætt starfandi leikskóla. 1778 börnum hefur verið úthlutað plássi í leikskóla sem eru reknir af Reykjavíkurborg.“ 

165 pláss bætast við 

„Í haust munu bætast við 165 pláss og verður boðið í þau eftir því sem gengur að manna lausar stöður. Ný pláss bætast við leikskólana Klettaborg og Klambra, auk þess sem aftur verður hægt að taka við fleiri börnum þegar framkvæmdum lýkur í Hálsaskógi, Brákarborg og gömlu Garðaborg sem nú er orðinn hluti af leikskólanum Jörfa,“ segir í tilkynningu. 

Tengdar fréttir

Leikskólamál

„Við höfum ekki fengið svar“

• Fjórtán mánaða börn fá leikskólapláss í Kópavogi
• „Er góður í að setja í þvottavél og fara í Bónus“
• Skiptar skoðanir innan meirihlutans
• Spennitreyjan sem fylgir bið eftir leikskólaplási

» Fleiri tengdar fréttir

• Blogga um frétt