Yngstu börnin átta mánaða sem fá vist í Garðabæ

Öllum börnum fæddum í júlí árið 2024 eða fyrr hefur verið boðin leikskólavist í Garðabæ. Yngstu börnum sem boðið hefur verið leikskólapláss eru átta mánaða gömul. Þetta kemur fram í tilkynningu frá Garðabæ. 

Í heild voru innrituð 235 börn á leikskóla bæjarins.  

„Alls voru 235 börn innrituð og 200 flutningsbeiðnir afgreiddar. Öllum börnum fæddum í júlí 2024 eða fyrr var boðin leikskólavist,“ segir í tilkynningu. 

„Við leggjum ríka áherslu á að þjónustan okkar sé sveigjanleg og í takt við þarfir fjölskyldna í bænum,“ segir Almar Guðmundsson bæjarstjóri í tilkynningu. 

Þá kemur fram að hægt hafi verið að verða við fyrsta vali í flestum tilvikum og bjóða systkinum leikskólavist í sama skóla.

Frétt af mbl.is

Öll börn yfir 18 mánaða fá pláss í borginni

Foreldrar hvattir til þess að ákveða sig 

 „Úrvinnsla úr boðnum plássum stendur enn yfir þar sem nokkrir foreldrar hafa ekki enn staðfest að þeir þiggi leikskólaplássið eða vilji flutning á milli skóla. Þeir eru hvattir til að ganga frá ákvörðun sinni sem allra fyrst. Að meðaltali bætast 20-25 börn við á biðlistann í hverjum mánuði og leikskólar Garðabæjar eru nú að mestu fullsettir, en laus pláss eru enn á ungbarnaleikskólanum Mánahvoli þar sem 55 börnum verður boðin dvöl til viðbótar.“

„Einnig stendur til að nýta rými í Litlakoti við Krakkakot á Álftanesi og fjölga plássum í 5 ára deild Sjálandsskóla í haust,“ segir í tilkynningu. 

• Blogga um frétt