20 ungmenni með ólæti: Starfsmaður sleginn í bringuna

Lögreglunni á höfuðborgarsvæðinu var tilkynnt um 20 manna ungmennahóp með ólæti í anddyri Laugardalslaugar í gærkvöldi.

„Hópurinn ekki á leiðinni í sund heldur inni að „veipa“ og með almenn leiðindi við starfsfólk,“ er meðal þess sem segir um málið í dagbók lögreglu.

Kemur þar fram að starfsmaður laugarinnar hafi gert ítrekaðar tilraunir til að vísa hópnum út. Í síðustu tilraun hafi ein stúlkan í hópnum slegið starfsmanninn einu sinni í bringuna.

Þekktur hópur

„Starfsmaðurinn var ekki með neinar kröfur. Hópurinn var á bak og burt þegar lögregla kom á staðinn,“ segir í dagbókinni.

Að sögn starfsmannsins var um að ræða þekktan krakkahóp sem hefur vanið komur sínar við helstu verslunarkjarna borgarinnar.

• Blogga um frétt