Jarðskjálftavirknin við Sundhnúkagígaröðina hefur farið minnkandi undanfarnar vikur en þó haldist nokkuð stöðug. Hægst hefur á landrisi frekar hratt. 

Þetta segir Salóme Jórunn Bernharðsdóttir, náttúruvársérfræðingur á Veðurstofu Íslands, í samtali við mbl.is. 

Eldgos hófst og lauk á sama degi 4. apríl. Strax í kjölfarið byrjaði landris af miklum hraða en úr því hefur dregið verulega. 

„Það var tiltölulega hratt í byrjun strax eftir kvikuhlaupið en svo hefur hægt á því frekar hratt,“ segir Salóme. 

Hún segir að síðustu vikuna hafi verið á bilinu 80-150 skjálftar á hverjum degi á Sundhnúkagígaröðinni, sérstaklega við kvikuganginn sem myndaðist í kringum gosið. 

„Þetta eru allt smáir skjálftar og er ekki óeðlilegt,“ segir Salóme. 

Skjáskot/Veðurstofa Íslands

Tengdar fréttir

Eldvirkni á Reykjanesskaga

Dregið úr virkni og stærð skjálfta við Grímsey

• „Værum ekkert með opið ef það væri hættulegt“
• „Ólíklegt að það dragi til tíðinda fyrr en í fyrsta lagi í haust“
• Lík­leg­a 100-150 ár í að næsti hluti fari af stað
• Skýr merki um landris við Svartsengi

» Fleiri tengdar fréttir

• Blogga um frétt