Úðavopni beitt: Fjórir handteknir

Lögreglan á höfuðborgarsvæðinu handtók fjóra einstaklinga vegna slagsmála í heimahúsi, að því er segir í dagbók lögreglu í morgun.

Óskað var eftir aðstoð lögreglu vegna slagsmálanna og var tilkynnt um að úðavopni hefði verið beitt á einn einstakling.

Fjórir voru handteknir vegna rannsóknar málsins en lögreglumenn á lögreglustöð 3, sem sinnir meðal annars útköllum í Kópavogi og Breiðholti, sinntu útkallinu. 

Frétt af mbl.is

Innbrotsþjófar gripnir að verki

Grunaður um mörg brot

Lögreglumenn sömu stöðvar voru við hefðbundið eftirlit og stöðvuðu ökumann bifreiðar. Var sá handtekinn grunaður um akstur undir áhrifum ávana- og fíkniefna og lyfja.

Var hann einnig grunaður um vörslu fíkniefna og brot á vopnalögum. Hann hafði sömuleiðis verið sviptur ökuréttindum. Hann var látinn laus að lokinni sýnatöku.

• Blogga um frétt