Enn rætt um kaup á kísilverksmiðjunni

Sagt var frá því í Morgunblaðinu í desember 2022 að Arion banki og PCC hefðu formlega slitið viðræðum um möguleg kaup PCC á kísilverksmiðjunni. Við það tækifæri sagðist bæjarstjóri Reykjanesbæjar feginn því að niðurstaða væri loks komin í málið. Þá sagði í tilkynningu frá Arion banka við sama tilefni að samhliða hefði Arion sagt upp raforkusamningi við Landsvirkjun þar sem framleiðsla kísils var forsenda samningsins.

Bókfært virði verksmiðjunnar í árslok 2024 var 875 milljónir króna. Fram kom á sínum tíma að 20 milljörðum hefði verið varið til uppbyggingar hennar. Þá var áætlað, þegar fyrsta skóflustungan var tekin að verksmiðjunni í ágúst 2014, að hún myndi kosta 30-35 milljarða. Miðaðist heildarfjárfestingin við að fjórir ofnar væru í rekstri, að því er kom fram í frásögn Viðskiptablaðsins á sínum tíma.

Saga kísilverksmiðjunnar í Helguvík er því orðin löng.

Haustið 2016 sagði Morgunblaðið frá því að áætlað væri að kísilverksmiðja Thorsil í Helguvík tæki til starfa á fyrsta ársfjórðungi 2019. Ógilding starfsleyfis Umhverfisstofnunar var þá til umræðu en viðmælandi blaðsins taldi hana ekki myndu hafa áhrif á áformaða gangsetningu.

Verksmiðjuhúsið setur mikinn svip á svæðið við Helguvík og sést það úr mikilli fjarlægð.

Verkefnið var af ýmsum ástæðum umdeilt. Þá meðal annars vegna umhverfissjónarmiða.