Skemmtistaðaeigendur varaðir við meintum nauðgurum

Þrír karlmenn sem eru til rannsóknar hjá lögreglu vegna tveggja hópnauðgana hafa verið settir á bannlista á English Pub, skemmtistað sem þeir eru sagðir hafa sótt.

Eigendur annarra skemmtistaða í Reykjavík hafa jafnframt verið varaðir við mönnunum þremur.  

Þetta kemur fram í umfjöllun Ríkisútvarpsins.

Þar segir að mennirnir þrír séu spænskumælandi. Enginn þeirra sætir gæsluvarðhaldi en einn er þó í farbanni.

Frétt af mbl.is

Þrír til rannsóknar vegna tveggja hópnauðgana

Telur brotin skipulögð

Tvær konur lögðu fram kæru til lögreglu vegna hópnauðgana sem áttu sér stað með stuttu millibili í lok síðasta mánaðar. Grunur er um að þeir hafi byrlað konunum ólyfjan á sama skemmtistað í miðbæ Reykjavíkur og teknar í sömu íbúð í Vesturbæ Reykjavíkur þar sem brotið var á þeim klukkustundum saman. 

Konurnar tvær þekkjast ekki. 

Réttargæslulögmaður kvennanna telur að um skipulögð brot sé að ræða. 

• 1 blogg um fréttina

Bloggað um fréttina

• Ingólfur Sigurðsson: Liðsmenn Frelsisflokksins og Íslenzku þjóðfylkingarinnar ættu að fá meira fylgi, …