Ekki geti allir lifað í nábýli við dýr

Þannig gangi lögin út frá lýðræði í slíkum húsum þar sem ákvarðanir eru að jafnaði teknar á löglega boðuðum húsfundum þar sem allir eigendur fjöleignarhúsa eiga kost á að mæta og koma skoðunum sínum og sjónarmiðum á framfæri. Þá séu í lögunum reglur um það hvemig ákvarðanir eru teknar í fjöleignarhúsum.

Þær reglur sem nú gilda um hunda- og kattahald í fjöleignarhúsum hafa þótt sanngjarnar og taka tillit til hagsmuna þeirra sem vilja halda gæludýr í fjöleignarhúsum og þeirra sem ekki geta eða treysta sér til að búa í nábýli við slík dýr.

„Með því frumvarpi sem nú liggur fyrir Alþingi er einungis horft til sjónarmiða þeirra sem vilja halda hunda og ketti í fjöleignarhúsum á kostnað þeirra sem ekki geta eða treysta sér til að hafa slík dýr í sínu nábýli,“ segir í umsögninni.

Það sé ekki hægt að líta fram hjá því að ekki geta allir lifað í nábýli við hunda og ketti, t.d. vegna ofnæmis eða hræðslu við slík dýr. Verði frumvarpið að lögum séu þeir einstaklingar settir í þá stöðu að þurfa annaðhvort að fá 2/3 hluta eigenda fjöleignarhúsa með sér í að banna dýr sem flytja í fjöleignarhúsið eða hrökklast úr eignum sínum.

„Með slíkri lagasetningu er vikið gróflega frá meginreglum laganna sem byggjast á lýðræði,“ segir í umsögninni.