Búast má við þokkalegu veðri víða á landinu í dag og næstu vikuna að sögn veðurfræðings. Hitastig gæti náð ellefu gráðum á Suðurlandi í dag.

Veðurfræðingur skrifar á vef Veðurstofunnar að útlit sé fyrir fremur hægan vind og skúraleiðingar á Suður- og Vesturlandi í dag, þurrt að mestu og víða bjartviðri norðan- og austanlands, en líkur á þokuslæðingi úti við sjóinn.

Á morgun nái líklega einhverjar skúrir norður yfir heiðar, en annars er spáð svipuðu veðri áfram. Hiti verður 6 til 12 stig yfir daginn.

Á þriðjudag má búast við vaxandi sunnan- og suðaustanátt, 8-15 m/s undir kvöld, hvassast vestast. Bjart verður austan til, annars skýjað en dálitlar skúrir. Fer að rigna sunnan- og vestanlands um kvöldið. Hiti verður 6 til 12 stig.

Á miðvikudag er útlit fyrir suðlæga eða breytilega átt 8-15 m/s og rigningu eða skúrir, einkum sunnan og vestan til. Hiti verður 5 til 10 stig. Norðvestlægari og dregur úr vætu um kvöldið.

Á fimmtudag má svo gera ráð fyrir vestlægri átt 8-15 m/s og dálítilli rigningu, en verður að mestu þurrt á Suðaustur- og Austurlandi. Hiti breytist lítið.

Tengdar fréttir

Veður

Hvessir og fer að rigna sunnan heiða

• Þetta finnst Íslendingum skemmtilegast að gera í sólinni
• Hvetur fólk til að njóta veðursins á meðan er
• Síðasti sólardagurinn í bili
• Skýin föðmuðu landið

» Fleiri tengdar fréttir

• Blogga um frétt