Sautján ára piltur hefur verið dæmdur í átta ára fangelsi fyrir að stinga Bryndísi Klöru Birgisdóttur til bana í hnífaatlögu hans að þremur ungmennum á Menningarnótt í Reykjavík í fyrra. RÚV greinir frá.

Var dæmdi sextán ára þegar brotin áttu sér stað á Menningarnótt með þeim hætti að hann réðst til atlögu að fimm manns sem sátu í bifreið og stakk pilt í bifreiðinni ítrekað eftir að hafa brotið hliðarrúðu. Tókst öllum að komast út nema stúlku, fyrrverandi kærustu dæmda, sem hann stakk ítrekað og er Bryndís Klara heitin reyndi að bera hönd fyrir höfuð vinkonu sinnar hlaut hún þau stungusár er urðu hennar bani viku eftir atburðinn.

Setti sig í samband við lykilvitni

Var grunaði úrskurðaður í gæsluvarðhald 25. ágúst og lauk lögreglurannsókn undir nóvemberlok. Var ákæra gefin út í kjölfarið. Í vetur komst sá kvittur svo í hámæli að ákærði hefðí ítrekað sett sig í samband við lykilvitni málsins og einn brotaþola, kærustuna fyrrverandi sem Bryndís Klara varði og galt fyrir með lífi sínu. Auk þess mun hann hafa verið virkur á samfélagsmiðlum úr varðhaldi sínu.

Tengdar fréttir

Hnífstunguárás á Menningarnótt

Verjandi undrast dómhörkuna

• Ekki áætlun árásarmannsins að ganga svona langt
• Aðalmeðferð hafin í menningarnæturmálinu
• „Mesta mögulega fórn sem brotið samfélag getur goldið“
• Amma drengsins sem banaði Bryndísi Klöru opnar sig

» Fleiri tengdar fréttir

• Blogga um frétt