Saksóknari í Vopnafjarðarmálinu svokallaða fer fram á 7-8 ára fangelsi yfir Jóni Þóri Dagbjartssyni, sem ákærður er fyrir tilraun til manndráps og stórfellt brot í nánu sambandi gegn fyrrverandi sambýliskonu sinni og barnsmóður. Þetta kom fram við málflutningi saksóknara í dag, en þetta er þriðji og síðasti dagur aðalmeðferðar málsins fyrir Héraðsdómi Austurlands.

Rúv greinir frá kröfu saksóknara, en málið vakti mikla athygli eftir að konan, Hafdís Bára Óskarsdóttir, kom fram í Kastljósi og sagði frá málsatvikum. Var meðal annars upplýst að árásin hafi átt sér stað aðeins nokkrum klukkustundum eftir að Hafdísi var hafnað um nálgunarbann á Jón.

Frétt af mbl.is

Segir Jón hafa verið rólegan við verknaðinn

Jóni er í málinu gefið að sök að hafa meðal ann­ars veist að Haf­dísi með rúllu­bagga­teini og notað hann til að reyna að stinga hana í kviðinn, ýta við henni þar til hún féll til jarðar og síðan notað tein­inn til að þrengja að hálsi henn­ar.

Jón neitaði sök um brot í nánu sambandi fyrir dómi. Varðandi tilraunina til manndráps vísaði Jón til þess að hann hefði farið í geðrof og gat lítið upplýst um verknaðinn.

Frétt af mbl.is

Vísar til geðrofs við árás í Vopnafjarðarmáli

Tengdar fréttir

Ákært í Vopnafjarðarmáli

Jón Þór metinn sakhæfur

• Segir Jón hafa verið rólegan við verknaðinn
• Vísar til geðrofs við árás í Vopnafjarðarmáli
• Árásarmál á Vopnafirði: Beðið eftir niðurstöðu í sakhæfismati
• Ákærður fyrir tilraun til manndráps

» Fleiri tengdar fréttir

• Blogga um frétt