Í morgunsárið var lægðardrag austur af landinu og eimdi eftir af éljagangi næturinnar á Norðaustur- og Austurlandi, að því er segir í hugleiðingum veðurfræðings Veðurstofunnar.

Kemur þar fram að í dag fjarlægist dragið og áttin verði suðvestlæg. Víða verði gola eða kaldi og smáskúrir á víð og dreif.

Það léttir til um landið norðaustanvert. Hiti verður á bilinu 5 og 11 stig yfir daginn. Seint í dag mun smám saman bæta í vind á norðvesturhluta landsins.

Talsverð hlýindi fram undan

„Á morgun sækir hlýrra loft að landinu. Áttin verður þó áfram suðvestlæg, víða 8-15 m/s, hvassast á Norðurlandi,“ segir í hugleiðingunum.

Þurrt og bjart veður verður um landið norðaustan- og austanvert, annars skýjað og sums staðar dálítil væta. Mun þá létta til yfir daginn norðvestanlands. Hlýjast verður á Austurlandi, 7-16 stig.

„Í framhaldinu er svo útlit fyrir áframhaldandi suðlægar áttir með talsverðum hlýindum, einkum um landið norðaustanvert.“

Veðurvefur mbl.is

Tengdar fréttir

Veður

Jöklar bráðnuðu hraðar í maí

• Yfir 20 stiga hiti í kortunum
• Sunnanáttir verða heitari með heitari Evrópu
• Væta með köflum og hlýjast á Austurlandi
• Hnattræn hlýnun jók líkur og hlýindi hitabylgju

» Fleiri tengdar fréttir

• Blogga um frétt