Myndir: Umfangsmikil leitaraðgerð í Eyjafirði
Setja bókamerki
Mikið viðbragð var í Eyjafirðinum fyrr í kvöld eftir að íbúi taldi sig hafa séð bát á hvolfi fyrir utan Hauganes. Björgunarsveitarmenn og Landhelgisgæslan tóku þátt í leitinni en að lokum benti ekkert til þess að sjófar hefði lent í vanda og leit því hætt upp úr klukkan 20.
Fréttaritari Morgunblaðsins og mbl.is var á vettvangi og náði ljósmyndum af miklum leitaraðgerðum viðbragðsaðila.
Tilkynningin barst klukkan 17.42 og Neyðarlínan tilkynnti strax Landhelgisgæslunni um málið og var þyrla send á vettvang. Einnig voru viðbragðsaðilar við Eyjafjörð ræstir út.
Björgunarsveitir á svæðinu ásamt lögreglu brugðust skjótt við og sendu fjóra dróna, fjóra báta og þrjár sæþotur til leitar. Einnig var fylgst með af landi með sjónaukum.
Samhliða þessu var farið í smábátahafnir við Eyjafjörð til að kanna hvort einhverja báta væri saknað. Ekkert fannst við þessa leit eða eftirgrennslan sem benti til þess að bátur hefði farið niður.
„Engar vísbendingar hafa fundist um að þarna hafi verið sjófar í vanda og hefur leitaraðgerðum verið hætt,“ skrifaði lögreglan á Norðurlandi eystra á Facebook.
„Það er ekki hægt að þessi börn bíði svona“
Verslunarfólk sameinast gegn ofbeldi og áreiti
„Fyrst og fremst stolt af þjóðinni minni“
Skúringatækið enn fast við segulómtækið
Tæmdu spreybrúsa á nýjan bíl Gríms
Stórnotendur ekki að soga til sín orku frá heimilum
Helgi Magnús lætur af störfum