„Skilaboð fundarins í haust voru skýr. Við viljum enga þéttingu í Grafarvogi. Við búum í fullbyggðu hverfi sem við völdum að búa í, þar sem húsin eru lágreist og andrými.

Það eru gæði sem við ætlum að standa vörð um og nýjar þéttingartillögur munu fá sömu undirtektir og þær fyrri. Borgaryfirvöld þurfa að átta sig á því að þétting í Grafarvogi verður ekki samþykkt.“

Frétt af mbl.is

Skrifuðu undir áður en andmælafrestur rann út

Það þarf að aðstoða fólk

Sigrún Ásta segir það flókið fyrir mjög marga að skila inn athugasemdum vegna skipulagsmála.

„Margir eiga erfitt með að skrifa texta og koma mótstöðu sinni í orð því þetta er öðruvísi en að mótmæla á Ísland.is, í þessu fyrirkomulagi þarf fólk að skila inn texta og alls ekki fyrir alla að fara í gegnum. Skilaboð íbúa í Grafarvogi eru mjög skýr. Við viljum enga þéttingu.“

Hún og nokkrir aðrir íbúar settu upp heimasíðuna www.okkargrafarvogur.com, þar sem þéttingarreitirnir eru sýndir og þar eru líka textatillögur sem fólk getur nýtt sem innblástur inn í sína athugasemd.

„Það er þröskuldur fyrir fólk að skila inn mótmælum. Á heimasíðunni eru leiðbeiningar um hvernig á að skila inn athugasemd. Þar er líka tölfræði og uppfærsla á því hvað margar athugsemdir eru komnar inn.

Í gær voru komnar fram 820 athugasemdir og rauði þráðurinn í gegn um öll þessi andmæli er að við viljum enga þéttingu.“

Undirskriftasöfnunin og fundarboðunin er ekki á vegum íbúasamtaka í Grafarvogi og segist Sigrún Ásta einfaldlega vera íbúi í Grafarvogi sem ásamt öðrum gangi í hús og útskýri fyrir fólki hvað standi til og að aftur þurfi að skila inn athugasemdum.