Annar öflugur skjálfti nærri Grímsey – 5 að stærð
Setja bókamerki
Öflugur jarðskjálfti reið yfir rétt austan við Grímsey klukkan 5.20 í morgun og við fyrsta mat mældist hann 5,0 að stærð.
Í tilkynningu frá veðurstofu Íslands segir að skjálftinn sé á svipuðum slóðum og skjálftinn sem varð í fyrrinótt sem mældist 4,7 að stærð.
Talsverð eftirskjálftavirkni fylgir og má búast við að eftirskjálftar geti orðið allt að 3,8 að stærð, segir í tilkynningunni.
Yfir 700 jarðskjálftar hafa mælst á svæðinu frá því að jarðskjálftahrinan hófst í gærnótt.
Veðurstofunni hafa borist fjölmargar tilkynningar um að skjálftinn hafi fundist í byggð, m.a. frá Akureyri, Húsavík og Dalvík.
„Ástæða fyrir mikilli jarðskjálftavirkni á Grímseyjarbeltinu, sem tilheyrir Tjörnesbrotabeltinu, eru sniðgengishreyfingar í jarðskorpunni. Þar hafa orðið jarðskjálftar yfir 6 að stærð. Jarðskjálftavirknin á svæðinu er því ekki tengd kvikuhreyfingum,“ segir enn fremur í tilkynningu frá Veðurstofu Íslands.
Á korti frá Veðurstofu sjást upptök skjálftans og áhrifasvæði hans.
Ekkert lát á árásum: Loftvarnaflautur ómuðu
Brigslað um falsfréttastíl
Klerkarnir með kjarnavopn ógn við heimsfriðinn
„Heimurinn þarf á því að halda sem aldrei fyrr“
„Þetta eru alvarlegar ásakanir“
Finna burðardýrin á netinu
Notuðu vopn frá Íran og N-Kóreu: Minnst sjö létust