Christopher G. Cavoli, yfirhershöfðingi Atlantshafsbandalagsins (SACEUR) sem jafnframt er yfirmaður herafla Bandaríkjanna í Evrópu, heimsótti Ísland í vikunni.

Cavoli fundaði með Þorgerði Katrínu Gunnarsdóttur utanríkisráðherra sem gerði grein fyrir aukinni áherslu íslenskra stjórnvalda á öryggis- og varnarmál og yfirstandandi stefnumótunarvinnu.

Þá voru horfur í öryggismálum og varnarviðbúnaður bandalagsins einnig til umræðu á fundinum.

Kynnti sér aðstæður í Keflavík

„Það var afar kærkomið að fá Cavoli hershöfðingja til Íslands á þessum tímapunkti, einmitt þegar vinna við að móta stefnu Íslands í varnarmálum stendur yfir,“ er haft eftir Þorgerði Katrínu í fréttatilkynningu.

„Hann hefur yfirgripsmikla þekkingu á aðstæðum á Norður-Atlantshafi og nýtist okkur vel.“

Cavoli kynnti sér einnig aðstæður á öryggissvæðinu í Keflavík og fundaði með samráðshópi þingmanna um mótun stefnu í öryggis- og varnarmálum Íslands og skrifstofustjóra varnarmálaskrifstofu utanríkisráðuneytisins.

Tengdar fréttir

Varnarmál Íslands

Tvíhliða varnarmálasamstarf við Frakkland eflt

• Varnartengd útgjöld aukin hægt
• Beint: Stóraukin togstreita á Norðurslóðum
• Íhuga að verja 1,5% landsframleiðslu í varnarmál
• Tékkneski flugherinn kemur á morgun

» Fleiri tengdar fréttir

• Blogga um frétt