Eldurinn kom upp í íbúð á Kleppsvegi

Eldur kom upp í mannlausri íbúð við Kleppsveg á öðrum tímanum í dag. Allir fjórir dælubílar slökkviliðsins á höfuðborgarsvæðinu voru kallaðir út, en tveimur þeirra var fljótlega snúið við. 

Búið er að slökkva eldinn, að sögn innivarðstjóra hjá slökkviliðinu á höfuðborgarsvæðinu og gekk slökkvistarf vel.

Íbúðin er í fjölbýlishúsi en eldurinn einangraðist við þessa einu íbúð.

Varðstjórinn hafði ekki upplýsingar um eldsupptök eða ástand íbúðarinnar. 

• Blogga um frétt