Veðrið lék við landsmenn um helgina og nýttu margir blíðuna til útiveru. 

Líflegt var í miðborg Reykjavíkur og naut fólk á öllum aldri lífsins. Á Klambratúni léku fáklæddir ungir menn sér í körfubolta.

Í gær fór fram The Distinguished Gentleman’s Ride, sem gæti útlagst sem Hefðarfólk á hjólum. Um er að ræða alþjóðlegan góðgerðarviðburð þar sem mótorhjólafólk kemur saman snyrtilega klætt til að vekja athygli á geðheilsu karlmanna og krabbameini í blöðruhálskirtli og um leið að safna áheitum til rannsókna á þessum málefnum.