Situr enn í gæsluvarðhaldi
Setja bókamerki
Kona sem grunuð um aðild að andláti föður síns á Arnarnesi í síðasta mánuði situr enn í gæsluvarðhaldi.
„Rannsóknin er í fullum gangi. Við erum að bíða eftir gögnum, taka skýrslur og vinna úr miklu magni af gögnum sem við höfum fengið,“ segir Eiríkur Valberg, fulltrúi í rannsóknardeild lögreglunnar á höfuðborgarsvæðinu, í samtali við mbl.is.
Konan, sem er sú eina sem hefur stöðu sakbornings í málinu, hefur setið í gæsluvarðhaldi frá því 16. apríl síðastliðinn en gæsluvarðhaldsúrskurðurinn er í gildi til 3. júní.
Eiríkur vill ekki gefa upp hvað fram hefur komið í skýrslutökum yfir konunni en fram kom í frétt á RÚV á dögunum að hún hafi neitað sök í málinu.
Maðurinn sem lést hét Hans Roland Löf. Hann var tannsmiður og fæddur árið 1945. Hann var búsettur í Súlunesi ásamt eiginkonu sinni og dóttur þeirra, Margréti Höllu Hansdóttur, sem situr í gæsluvarðhaldi.
„Ísland gaf okkur mjög mikið“
Umboðsmaður vill upplýsingar í tengslum við gímaldið
Lögreglan mun ekki bogna: „Mjög alvarlegt“
Vilja „enga konunga“ í Bandaríkjunum
„Það beinist að lögreglumönnum ákveðið ofbeldi“
Skoða ekki útlönd þrátt fyrir úrræðaleysi
Tvítug með langveikt barn sem fær ekki forgang