Afnema lögin áður en þau valda frekara tjóni
Setja bókamerki
Páll Rúnar M. Kristjánsson, lögmaður Innness, segir mikilvægt að Alþingi klári það verkefni að afnema búvörulögin áður en þau valda frekara tjóni.
Hæstiréttur sýknaði íslenska ríkið af kröfum Innness í dag og sneri þannig dómi Héraðsdóms Reykjavíkur við í máli sem kennt hefur verið við búvörulögin.
Skaðleg neytendum og samkeppni á mikilvægum markaði
Páll Rúnar segir í skriflegu svari við fyrirspurn mbl.is að lögin séu skaðleg neytendum og skaðleg fyrir samkeppni á mikilvægum markaði.
Segir Páll að einnig verði að horfa til málsins í stærra samhengi. Löggjafarvaldið sé mesta vald samfélagsins, vald til þess að ákveða hvað megi og hvað ekki, vald til að stýra háttsemi borgaranna og mæla fyrir um réttindi þeirra og skyldur.
Litlar sem engar kröfur gerðar
Meðferð þess valds séu settar ákveðnar skorður í stjórnarskrá sem hafi það að markmiði að vandað sé til verka og ekki rasað um ráð fram.
Með þessum dómi sé hins vegar ljóst að Hæstiréttur geri litlar sem engar kröfur til Alþingis þegar kemur að breytingum á lagafrumvörpum á milli umræðna. Þar með gefi Hæstiréttur grænt ljós á óvandaða og lélega meðferð lagasetningarvalds eins og blasti við í málinu.
Sú niðurstaða sé högg fyrir allan almenning, því kröfuharðir og gagnrýnir dómstólar leiði af sér vandaða og vel ígrundaða lagasetningu. Eftirlátssamir og áhugalausir dómstólar leiði af sér hið gagnstæða.
„Það er varhugavert að horfa á þetta mál út frá hagsmunum einstaka markaðsráðandi stórfyrirtækja. Hér hefur opnast óeðlileg gátt til að lauma inn í lagasetningu skaðlegum ákvæðum sem engin lýðræðisleg afstaða hefur verið tekin til,“ er haft eftir Páli Rúnari.
Baðlón við Holtsós í skipulagsferli
„Allavega eitthvað samtal komið af stað“
Ríkisþingmaður Minnesota skotinn til bana
Kvika hafnar samrunaviðræðum við Arion banka og Íslandsbanka
Árásir halda áfram: Hershöfðingjar drepnir
Engin merki um þinglok í nánd
Mótmæla blokkinni á Birkimel