Hæsta framlag allra miðað við höfðatölu
Setja bókamerki
Framlag Íslandsnefndar UNICEF til alþjóðlegra verkefna er hæst allra landsnefnda miðað við höfðatölu. Einnig er hér á landi einna mestur fjöldi heimsforeldra miðað við höfðatölu.
Þetta kemur fram í tilkynningu en ársfundur og aðalfundur UNICEF á Íslandi fóru fram í dag. Deildin fagnar 20 ára afmæli í ár.
Heildartekjur UNICEF á Íslandi á síðasta ári voru 849 milljónir. Þar af voru söfnunartekjur 727 milljónir.
„Tæp 68% af heildartekjum komu frá Heimsforeldrum sem í árslok 2024 voru 24 þúsund talsins,“ segir í tilkynningu.
Segir þar að stærstum hluta, eða tæpum 489 milljónum króna, hafi verið veitt til reglubundins hjálparstarfs UNICEF í þeim löndum þar sem þörfin er mest.
Tæpar 79 milljónir til verkefna innanlands
Þá hafi tæpri 31 milljón verið varið til neyðar- og uppbyggingarverkefna og tæpum 79 milljónum króna til verkefna innanlands. Verkefnin innanlands hafi verið við réttindagæslu, réttindafræðslu og innleiðingu barnvænna sveitarfélaga, í samstarfi við mennta- og barnamálaráðuneytið.
Á árinu söfnuðust rúmlega 28,3 milljónir króna í neyðarsafnanir en rúmlega 81% gáfu landsmenn í neyðarsöfnun fyrir börn á Gasasvæðinu.
Ein breyting á stjórn
Ein breyting var gerð á skipan stjórnar Íslandnefndar UNICEF á fundinum. Bjarni Ármannsson fjárfestir kom nýr inn í stjórn í stað Jóns Magnúsar Kristjánssonar bráðalæknis.
Edda Hermannsdóttir er formaður stjórnar og Hjörleifur Pálsson varaformaður.
„Það er eitthvað að, það er eitthvað klikkað“
„Heimurinn þarf á því að halda sem aldrei fyrr“
Mögulegt að svörin liggi meðal íslensks samfélags
Brigslað um falsfréttastíl
Hvalina mun reka inn á borð sveitarfélaga
Sendi nektarmyndir: Fyrrverandi fær bætur
Óvíst um öflun frekari gagna í Gufunesmáli